متابعون يستفزون نادين نسيب نجيم بسبب السوريين..والفنانة: تعبي وموهبتي سبب نجاحي 

اخبار الفن ـ الرأي ـ
استفز عدد من المتابعين الفنانة اللبنانية نادين نجيم، حيث حاولوا التقليل من نجاحها بقولهم أنها لولا عملها مع فنانين سوريين ما كانت ستنجح.

نادين نسيب نجيم ردت على هؤلاء المتابعين، على حسابها الخاص على موقع “انستجرام”، حيث كتبت: “متل العادة كل ما بيكون عندي عمل جديد بسمع هون وهون نفس الأسطوانة ” لو ما جماعتنا ولو ما فلان ولو ما السوريين … ” على اساس انا اللبنانية الوحيدة يلي اشتغلت مع جماعتكم ! كتار اشتغلوا بس الفرق انه مش الكل حصد نفس النجاح”.

وأضافت: “لأنه بكل بساطة تعبي وجهدي خلال هل السنين وموهبتي هني من صنع ربي ونعمة من ربي وطموحي وإصراري على النجاح بيرجع لمجهود شخصي وهيدي المهنة بتساع الكل وما بكمّل غير القوي وما بينجح غير الشاطر”.

وتابعت: “وشكراً على كل حال لكل حدا مرء بحياتي لانه النجاح بده دعم وبده فريق وبده شركة محترمة وبده كمان شريك ناجح بفتخر بكل انسان اشتغلت معه من أصغرهم لأكبرهم ومن فنيين ومن فنانين”.

وأكملت: “مع الأسف بعد في ناس بتفكر انه في حدا بالغصب بيقدر يصنع نجاح حدا اذا ما كان بيستاهل ولو كانت الحياة بهل السهولة كانت كل الناس نجحت بكافة المجالات !”.

واختتمت كلامها، بقولها: “الفرص بتجي للكل وحده الشاطر الذكي يلي بيقدر يترك بصمة خاصة ونجاح مستمر والحمدالله على كل شيء أتمنى يكون كلامي نقطة تنهي هل جدل المستمر يلي ما اله اي طعمة غير يخلق حساسيات ومشاكل بين الناس !”.