إلهام شاهين عن فيلم “أصحاب ولا أعز”: مافيش مشهد واحد يخدش الحياء 

اخبار الفن ـ الرأي ـ
دافعت الفنانة المصرية إلهام شاهين عن فيلم “أصحاب ولا أعز”، الذي أثار ضجة مؤخرا، ووجهت اتهامات له بالجرأة والخروج عن المألوف.

إلهام شاهين كتبت: “الفيلم اللى عاملين ضجه عليه .. أصحاب ولا أعز . . لسه شايفاه .. فيلم جميل و حقيقى .. مشاكل حياتيه عاديه.. إيه يعنى لو فيه شخص واحد يقال عنه إنه مثلى ولا نرى ذلك ..دى حريه شخصيه .. و شخصيات موجوده فى حياتنا .. و المجتمع العربى فيه بلاوى أكتر بكتير جدا من اللى إتقدم فى الفيلم “.

وأضافت: “مش فاهمه سبب الضجه المفتعله على فيلم معروض على نتفليكس فقط .. اللى هى مش موجوده عند الناس العاديه أو المتحفظه لإن فيها أفلام أجنبيه فيها ستات بتقلع ملط و مشاهد جريئه جدا .. يعنى حلال على الفيلم الأجنبي.. و حرام على الفيلم الناطق بالعربيه لمجرد حوار جرئ فى المواجهه و غير معتاد ..مجتمع مهووس”.

وتابعت: “وبالنسبه للمتخلفين بتوع السينما النظيفه .. مفيش مشهد واحد فى الفيلم فيه شئ يخدش حياء المتشددين كصورة .. الجرأة فقط فى الحوار بين البطله و زوجها عندما شكت فيه إنه مثلى .. و الحوار أيضا لا يوجد فيه لفظ خارج .. و على فكرة بسبب الهجوم على الفيلم سيكون الأعلى مشاهده على نتفليكس”.

واختتمت كلامها، بقولها: “برافو منى زكى .. فنانه ناضجه صادقه .. أداء رائع .. و الحقيقه الفيلم مباراه فى التمثيل بين كل ممثليه الرائعين إياد نصار و نادين لبكى و جورج خباز و عادل كرم .. تحيه لكل من شارك فى الفيلم بقيادة مخرج رائع وسام سميرة”.