شذى تدافع عن تامر حسني وتوجه رسالة قاسية لهذا الفنان 

اخبار الفن ـ الرأي ـ
دافعت الفنانة المصرية شذى، عن الفنان تامر حسني، ضد الهجوم الذي تعرض له مؤخرًا بعد اتهامه بشراء بصمة هوليود التي قام بوضعها قبل أيام.

شذى، قالت عبر صفحتها الشخصية بموقع «فيس بوك»: «مستغربة جدا من الهجوم اللي على تامر حسني .. معلش يعني هو تامر مثلا راجل فاشل أو فنان ملهوش جمهور ليه الهجوم ده وليه في صحفيين كتير بيهاجموا. .و الاستاذ سيد بدريه اللي مع كامل إحترامي ليه بجد والله أول مره أشوفوا، ليه كميه الحقد اللي في الفيديو اللي إنت عامله».

وأضافت: «ولما تامر في نظرك بيشتري الجوايز و بيكذب نازل ليه من بيتك و هادد حيلك علشان تهاجمه و حاططلي لقب الفنان العالمي سيد بدريه قبل اسمك، .. يعني حلال ليك وحرام على غيرك على الأقل إحنا عارفين تامر بس مين حضرتك؟ و لو إني أحترم ذكائك لأنك بمهاجمتك لتامر الوطن العربي كله عرف اسمك في يومين اللي عالميتك معرفتش اسمك لأولاد بلدك حتى!».

وتابعت: «واحب اوجه كلامي لجزء من الساده الصحفيين حبونا شويه لو سمحتوا حبوا ولاد بلدكوا صدقوا موهبتنا و آمنوا بيها بطلوا تنجموا ناس ملهاش لازمه و تعملوا من ناس بلا قيمه نجوم و تيجوا على اللي بيشتغلوا بجد و بيتعبوا و بيجتهدوا و تهاجموهم».